All posts by : irakli gabisonia

ჩვენი გზა არის ბრიუსელისკენ, პრორუსული “ქოცნების” მოსკოვისკენ, ჩვენი გზა არის ევროპისკენ, მათი რუსეთისკენ, ჩვენი გზა არის ევროკავშირისკენ, ხოლო მათი ევრაზიული კავშირისკენ,- ამის შესახებ “სტრატეგია აღმაშენებლის” თავმჯდომარემ, გიორგი ვაშაძემ განაცხადა, რომელიც ბრიუსელში სხვადასხვა ქვეყნის პრემიერ-მინისტრთან და ევროპარლამენტართან შეხვედრებს მართავს.

გიორგი ვაშაძის თქმით, შეხვედრების მთავარი საკითხი საქართველოს ევროინტეგრაციის პროცესია. როგორც ის განმარტავს, პოლიტიკური ნება, რომელიც საჭიროა უმარტივესი 12 პუნქტიანი რეფორმების შესასრულებლად, ,,ქართულ ოცნებაში” არ არის და ამას სრულიად ევროპული საზოგადოება ხვდება.

“უმაღლეს დონეზე ვმართავთ შეხვედრებს ბრიუსელში, ოთხი ქვეყნის პრემიერ-მინისტრთან: ჰოლანდიის, ესტონეთის, ბელგიის, ლუქსემბურგის, ევროპარლამენტარებთან, ევროპარლამენტში სიდიდით მესამე გაერთიანების ALDE-ს წევრებთან და ასევე ლიდერებთან ყველა ქვეყნიდან. შეხვედრებზე მთავარი საკითხი იყო საქართველო, საქართველო და კიდევ ერთხელ საქართველო! დიახ, ჩვენ, პროევროპული ოპოზიცია ყველაფერს ვაკეთებთ იმისთვის, რომ საქართველომ არ დაკარგოს ევროკავშირის კანდიდატის სტატუსის მიღების შანსი. სამწუხაროდ, ყველა ძალიან კარგად ხედავს, რომ ,,ქართული ოცნება“ უფრო და უფრო შორდება ევროპულ პერსპექტივას, არანაირ რეფორმას არ აკეთებენ. 12 პუნქტია, რომელიც უმარტივესი შესასრულებელია და არაფერს აკეთებენ ამ მიმართულებით. სწორედ ამიტომ, ჩვენ ერთად უნდა დავდგეთ, ჩვენი გზა არის ბრიუსელისკენ, პრორუსული “ქოცნების” მოსკოვისკენ, ჩვენი გზა არის ევროპისკენ, მათი გზა არის რუსეთისკენ, ჩვენი გზა არის ევროკავშირისკენ, ხოლო მათი ევრაზიული კავშირისკენ და თუ ჩვენ ერთად დავდგებით, აუცილებლად გავიმარჯვებთ“,- განაცხადა ვაშაძემ.

მისივე შეფასებით, ერთადერთი გზა და გამოსავალი არის, პარტიული თუ არაპარტიული, ყველა პროევროპულის ერთად დადგომა და გაერთიანება, სხვა შემთხვევაში ჩვენ ამ ისტორიულ შანსს დავკარგავთ.

„დღეს, რომ კანდიდატი ქვეყნის სტატუსი არ გვაქვს ამაში ერთადერთი დამნაშავეა პრორუსული “ქართული ოცნება”. ჩვენ ჯერ კიდევ შეგვიძლია ეს ისტორიული შანსი გამოვიყენოთ თუ ჩვენს ქვეყანას, ნორმალურ გზაზე დავაყენებთ. სამწუხაროდ, პოლიტიკური ნება, რომელიც საჭიროა ამ უმარტივესი 12 პუნქტიანი რეფორმების შესასრულებლად, ,,ქართულ ოცნებაში” არ არის და ამას სრულიად ევროპული საზოგადოება ხვდება.

უდიდესი მხარდაჭერა აქვს საქართველოს, მაგრამ უდიდესი იმედგაცრუებაა იმაზე, რასაც ,,ქართული ოცნება” აკეთებს თავისი თავდასხმებით ევროპარლამენტარებზე, ევროპელებზე, ევროპელ პარტნიორებზე, ამერიკაზე, ელჩებზე და თავისი ასე რომ ვთქვათ ნეიტრალური, მხარდამჭერი, დამოკიდებულებით რუსეთთან მიმართებაში.

საქართველო იქნება ევროკავშირის წევრი და ამას ჩვენ ერთად აუცილებლად გავაკეთებთ. ერთად უნდა დავდგეთ, სხვა გზა არ არის. ჩვენი მიტაცებული სამშობლო, ჩვენვე უნდა დავიბრუნოთ უკან! საბოლოო ჯამში აუცილებლად გავიმარჯვებთ”, – აღნიშნავს გიორგი ვაშაძე.

„ქართული ოცნების” ხელისუფლება აგრძელებს ევროპული გზის საბოტაჟს და შეთქმულებას ქართული სახელმწიფოს წინააღმდეგ – იუსტიციის საბჭოში დესანტის გადმოსხმა „კლანის” მეთაურების სახით, ევროპული რეკომენდაციების დარღვევაა, – ამის შესახებ “სტრატეგია აღმაშენებლის” დეპუტატმა პაატა მანჯგალაძემ პარლამენტში, ბრიფინგზე განაცხადა, რომლითაც იუსტიციის უმაღლეს საბჭოში მოსამართლე წევრებად ლევან მურუსიძის და დიმიტრი გვრიტიშვილის არჩევას გამოეხმაურა.

მისი თქმით, “ქართულმა ოცნებამ” რუსული არჩევანი გააკეთა და ევროპული კურსის ღიად შეფერხებასაც აღარ ერიდება.

“ნაცვლად ევროპული რეკომენდაციების შესრულებისა, ისინი გადავიდნენ შეტევაზე და არ ერიდებიან ღიად ევროპული რეკომენდაციების საწინააღმდეგო გადაწყვეტილებების მიღებას. ამის დასტურია ის, რაც იუსტიციის უმაღლეს საბჭოში ხდება, როცა რეკომენდაცია იყო სასამართლოში რეფორმის ჩატარება და კეთილსინდისიერი მაღალი რეპუტაციის ადამიანების არჩევა, ამ დროს, იუსტიციის საბჭოში გადმოსხეს დესანტი “კლანის” მეთაურების – მურუსიძის და გვრიტიშვილის თამადობით, რაც არის პირდაპირ დარღვევა ევროპული რეკომენდაციის. როგორც ჩანს, „ქართულმა ოცნებამ” გადაწყვიტა არჩევანი ევროპასა და რუსეთს შორის რუსეთის სასარგებლოდ გააკეთოს. რუსული არჩევანია, როცა ქვეყანაში გვაქვს ოლიგარქიული მმართველობა, როცა სასამართლოს მართავს კლანი და იყენებენ მას პოლიტიკური დევნისთვის, ამის მაგალითია ნიკა გვარამიას საქმე, ასევე რუსული არჩევანია ანტიდასავლური რიტორიკა, რომელიც ქვეყანაში მეფობს “ქართული ოცნების” დამსახურებით,”- განაცხადა მანჯგალაძემ.

მისივე თქმით, რუსული არჩევანის მაგალითია პარლამენტის თავმჯდომარის შალვა პაპუაშვილის განცხადებაც, რომლითაც მან მიხეილ სააკაშვილის რეზოლუციაში მოხსენიებასთან დაკავშირებით ევროსაბჭოს საპარლამენტო ასამბლეის პრეზიდენტს მიმართა. მანჯგალაძის თქმით, მიუღებელია, როცა ევროპელებს ეუბნებიან, რომ საქართველოს ევროპისკენ მიმავალ გზას ევროსაბჭოს რეზოლუციები და გადაწყვეტილებები აფერხებს.

“ეს არის საქართველოს ინტერესების საწინააღმდეგო განცხადებები, ისეთ აღვირახსნილ მდგომარეობაშია “ქართული ოცნება”, ევროპელებს ასწავლიან, რა არის დემოკრატია, ადამიანის უფლებების დაცვა და სამართლიანი სასამართლო. პაპუაშვილი ლექციებს უტარებს ევროკავშირს, ევროსაბჭოს წარმომადგენლებს, რომ თურმე საქართველოში საუკეთესოდ არის დაცული ადამიანის უფლებები მაშინ, როცა კლანს აბრუნებენ იუსტიციის საბჭოში, ეს იმას ნიშნავს, რომ საქართველოში სასამართლო საერთოდ არ გვაქვს”, – განაცხადა მანჯგალაძემ.

„სტრატეგია აღმაშენებლის“ ერთ-ერთი ლიდერის სერგო ჩიხლაძის განცხადებით, „მთავარი არხის“ დამფუძნებლის ნიკა გვარამიას დაკავებას სამართალთან არავითარ კავშირში არ აქვს.

როგორც მან ჟურნალისტებთან აღნიშნა, თუ ის დღეს არ გათავისუფლდება, ეს იქნება კიდევ ერთი ნაბიჯი ევროპული რეკომენდაციების საწინააღმდეგოდ.

„დღეს კიდევ ერთხელ გამოჩნდება, გვაქვს თუ არა ქვეყანაში სამართლიანი სასამართლო და საერთოდ, სამართალთან თუ აქვს საერთო ამ სასამართლოს. „სტრატეგია აღმაშენებლის“ ახალგაზრდული ფრთა პროტესტს გამოხატავს პლაკატებით. ქვეყანაში არ გვაქვს სასამართლო, სამართალთან არავითარ კავშირში არ არის ნიკა გვარამიას დაკავება და ის ბრალი, რომლითაც ის არის დაკავებული. რაც ქვეყნისთვის ძალიან მნიშვნელოვანია, ნიკა გვარამიას უკანონო პატიმრობა აღნიშნულია ევროკავშირის ყველა რეზოლუციაში. შესაბამისად, თუ ის დღეს არ გათავისუფლდება, ეს იქნება კიდევ ერთი პირდაპირ გადადგმული ნაბიჯი ევროპული რეკომენდაციების საწინააღმდეგოდ“,- განაცხადა ჩიხლაძემ.

“სტრატეგია აღმაშენებლის“ ახალგაზრდული ფრთის წევრებმა სააპელაციო სასამართლოსთან ნიკა გვარამიას პროცესთან დაკავშირებით აქცია გამართეს.

მათ ხელში ეკავათ ბანერები წარწერით: „თავისუფლება ნიკას“, „არა უსამართლო სასამართლოს“ და სხვა.

„სტრატეგია აღმაშენებლის ახალგაზრდები გამოხატავენ პროტესტს პლაკატებით, რომ ქვეყანაში არ გვაქვს სასამართლო და გვარამიას დაკავება სამართალთან არანაირ კავშირში არ არის”, – აღნიშნა „სტრატეგია აღმაშენებლის“ ერთ-ერთმა ლიდერმა, სერგო ჩიხლაძემ.

წყარო: www.interpressnews.ge

პარტია „სტრატეგია აღმაშენებელი“ იუსტიციის უმაღლეს საბჭოში მოსამართლე წევრებად ლევან მურუსიძისა და დიმიტრი გვრიტიშვილის არჩევას ეხმაურება და აცხადებს, რომ აღნიშნული სისტემაში „კლანის“ გაძლიერებსა და „ქარული ოცნების“ მხრიდან მეტი კონტროლის დამყარებას ემსახურება.

„სტრატეგია აღმაშენებლის“ განცხადების თანახმად, „კლანის გავლენიანი წევრების” იუსტიციის უმაღლეს საბჭოში დაბრუნება, „პირდაპირ წინააღმდეგობაში მოდის ევროკომისიის რეკომენდაციებთან“.

“ლევან მურუსიძისა და დიმიტრი გვრიტიშვილის იუსტიციის უმაღლესი საბჭოს მოსამართლე წევრებად არჩევა ემსახურება სასამართლოში არსებული „კლანის“ გაძლიერებას და „ქართული ოცნების“ მხრიდან სასამართლო სისტემაზე კიდევ უფრო მეტი კონტროლის დამყარებას. „კლანის“ გავლენიანი წევრების იუსტიციის უმაღლეს საბჭოში დაბრუნება პირდაპირ წინააღმდეგობაში მოდის ევროკომისიის რეკომენდაციებთან. ნაცვლად იუსტიციის უმაღლესი საბჭოს რეფორმისა, საბჭოს წევრებად მაღალი სანდოობის, მაღალი რეპუტაციისა და მიუკერძოებელი კადრების დანიშვნისა, რაც არის ევრორეკომენდაცია, საბჭოში ადგილი დააკავებინეს „კლანის“ წევრ მოსამართლეებს მურუსიძესა და გვრიტიშვილს.

ეს გადაწყვეტილება კიდევ ერთხელ მიუთითებს ფაქტზე, რომ პრორუსული „ქართული ოცნება“ არ აპირებს არცერთი რეკომენდაციის შესრულებას კანდიდატის სტატუსის მისაღებად და უფრო მეტიც, დემონსტრაციულად დგამენ ნაბიჯებს, რომ კანდიდატის სტატუსზე მორიგ ჯერზე უარი ეთქვას საქართველოს.

როგორც ჩანს, პრორუსული ქართული ოცნება გააკეთა უკვე არჩევანი ბრიუსელსა და მოსკოვს შორის, მოსკოვის სასარგებლოდ” , – ნათქვამია განცხადებაში.

პარტია „სტრატეგია აღმაშენებელი“ იუსტიციის უმაღლეს საბჭოში მოსამართლე წევრებად ლევან მურუსიძისა და დიმიტრი გვრიტიშვილის არჩევას ეხმაურება და აცხადებს, რომ აღნიშნული სისტემაში „კლანის“ გაძლიერებსა და „ქარული ოცნების“ მხრიდან მეტი კონტროლის დამყარებას ემსახურება.

„სტრატეგია აღმაშენებლის“ განცხადების თანახმად, „კლანის გავლენიანი წევრების” იუსტიციის უმაღლეს საბჭოში დაბრუნება, „პირდაპირ წინააღმდეგობაში მოდის ევროკომისიის რეკომენდაციებთან“.

“ლევან მურუსიძისა და დიმიტრი გვრიტიშვილის იუსტიციის უმაღლესი საბჭოს მოსამართლე წევრებად არჩევა ემსახურება სასამართლოში არსებული „კლანის“ გაძლიერებას და „ქართული ოცნების“ მხრიდან სასამართლო სისტემაზე კიდევ უფრო მეტი კონტროლის დამყარებას. „კლანის“ გავლენიანი წევრების იუსტიციის უმაღლეს საბჭოში დაბრუნება პირდაპირ წინააღმდეგობაში მოდის ევროკომისიის რეკომენდაციებთან. ნაცვლად იუსტიციის უმაღლესი საბჭოს რეფორმისა, საბჭოს წევრებად მაღალი სანდოობის, მაღალი რეპუტაციისა და მიუკერძოებელი კადრების დანიშვნისა, რაც არის ევრორეკომენდაცია, საბჭოში ადგილი დააკავებინეს „კლანის“ წევრ მოსამართლეებს მურუსიძესა და გვრიტიშვილს.

ეს გადაწყვეტილება კიდევ ერთხელ მიუთითებს ფაქტზე, რომ პრორუსული „ქართული ოცნება“ არ აპირებს არცერთი რეკომენდაციის შესრულებას კანდიდატის სტატუსის მისაღებად და უფრო მეტიც, დემონსტრაციულად დგამენ ნაბიჯებს, რომ კანდიდატის სტატუსზე მორიგ ჯერზე უარი ეთქვას საქართველოს.

როგორც ჩანს, პრორუსული ქართული ოცნება გააკეთა უკვე არჩევანი ბრიუსელსა და მოსკოვს შორის, მოსკოვის სასარგებლოდ” , – ნათქვამია განცხადებაში.

“სტრატეგია აღმაშენებელი” „მთავარი არხის“ გენერალური დირექტორის, ნიკა გვარამიას საქმესთან დაკავშირებით განცხადებას ავრცელებს. განცხადებაში ნათქვამია, რომ ნიკა გვარამიას საკითხი „პოლიტიკურად მოტივირებულია და “ქართული ოცნება” წინააღმდეგობაშია ევროკომისიის რეკომენდაციებთან დაკავშირებით“. ამასთან, პარტია ნიკა გვარამიას სასამართლო დარბაზიდან დაუყოვნებლივ გათავისუფლებას მოითხოვს.

“საქართველოსთვის ევროკავშირის კანდიდატის სტატუსის მისაღებად აუცილებელია მედია თავისუფლება და პოლიტიკურად მოტივირებული სასამართლო საქმეების დასრულება.

სამწუხაროდ, „ქართული ოცნების“ ქმედებები ამ პუნქტებთან მიმართებით წინააღმდეგობაშია ევროკომისიის რეკომენდაციებთან.

ამის ნათელი მაგალითია ნიკა გვარამიას უკანონო პატიმრობა. მისი დაკავება აბსურდული საფუძვლით მიუთითებს მის მიმართ პოლიტიკური მოტივით ანგარიშსწორებაზე, რომლის მიზანია ოპოზიციური მედიის დასუსტება, ხელისუფლებისთვის მიუღებელი ადამიანების დაშინება, ასევე, მიზანმიმართულად კანდიდატის სტატუსის მიღების პროცესის დაზიანება.

აშკარაა, რომ საქართველოს ხელისუფლებამ პირდაპირ ბრძოლა გამოუცხადა თავისუფალ მედიას და პოლიტიკურად განსხვავებულად მოაზროვნე ოპონენტებს, რაშიც „ქართული ოცნება“ იყენებს მის მიერ მართულ კლანურ სასამართლოს. ყოველივე ეს ძირს უთხრის საქართველოს ევროკავშირში გაწევრიანების პერსპექტივას. ევროპარლამენტის 9 ივნისის რეზოლუციაშიც ხაზგასმით არის დაგმობილი ნიკა გვარამიას პატიმრობა. ევროპარლამენტი ასევე, მოუწოდებს ხელისუფლებას ხელი აიღოს პოლიტიკურ მართლმსაჯულებაზე.

ჩვენ მოვითხოვთ ხელისუფლებისგან, ხელი აიღოს პოლიტიკურად მოტივირებულ ანგარიშსწორებაზე, მედიის ზეწოლაზე და დაუყოვნებლივ დარბაზიდან გაათავისუფლოს უკანონო პატიმრობაში მყოფი ნიკა გვარამია, რაც არის ერთ-ერთი აუცილებელი პირობა ევროკომისიის მოთხოვნების შესასრულებლად”, – აღნიშნულია “სტრატეგია აღმაშენებლის“ განცხადებაში.

“სტრატეგია აღმაშენებლის” თავმჯდომარე ბელარუსის პრეზიდენტის აფხაზეთში ჩასვლას ეხმაურება. გიორგი ვაშაძის თქმით ლუკაშენკოს ეს ქმედება მიუღებელია. ვაშაძე აცხადებს, რომ ეს ყოველივე “ქართული ოცნების” მხრიდან რუსეთის არგაღიზიანების პოლიტიკის შედეგია

“მიუღებელი და შემაშფოთებელია, როდესაც აფხაზეთში ბელარუსის პრეზიდენტი ოკუპაციის კანონისა და საერთაშორისო სამართლის ყველა პრინციპის დარღვევით ჩავიდა. ღიად და მკაფიოდ მინდა ავღნიშნო, რომ ეს ყოველივე პრორუსული „ქართული ოცნების“ მხრიდან რუსეთის არგაღიზიანების პოლიტიკის შედეგია. პრორუსული ოცნების მხრიდან რუსებთან ენის მოჩლექით საუბარმა და კუდის ქიცინმა გამოიწვია პუტინის მარიონეტი ლუკაშენკოს აფხაზეთში ჩასვლა. ფაქტია, რომ ლუკაშენკო არაფრად აგდებს საქართველოს ხელისუფლებას, ის ცდილობს, რომ აფხაზეთის საკითხით პუტნს თავი მოაწონოს, და დაანახოს, რომ მის მხარეს იჭერს და ამის საწინააღმდეგოდ საქართველოს ხელისუფლებისგან არანაირ მკვეთრ და მკაცრ პასუხს არ ელოდება. ლუკაშენკო პუტინის მარიონეტი და არალეგიტიმური მმართველია, რომელსაც არ აღიარებს ევროკავშირი. პუტინის მმართველობა დასასრულს უახლოვდება, მასთან ერთად აუცილებლად დასრულდება მისი მარიონეტი ლუკაშენკოსა და პუტინისტური ქართული ოცნების მმართველობაც” – გიორგი ვაშაძე

აუყოვნებლივ უნდა დაიკეტოს ჩვენი საზღვარი, რომ საქართველოს უტანკო ანექსია არ მოხდეს – ჩვენი დათვლებით, რუსეთის დაახლოებით ნახევარი მილიონი მოქალაქე საქართველოს საზღვარზეა მომდგარი,- ამის შესახებ ჟურნალისტებთან “სტრატეგია აღმაშენებლის” თავმჯდომარე გიორგი ვაშაძემ განაცხადა.

მან პრემიერ- მინისტრს და მმართველი პარტიის თავმჯდომარეს მოუწოდა თქვან, რას გეგმავენ ამ საკითხთან დაკავშირებით.

„საქართველო დგას უმძიმესი საფრთხის წინაშე, უტანკო ანექსია შეგვიძლია დავარქვათ იმ პროცესს, რომელიც ახლა მიდის. საქართველოსთვის, რომლის ტერიტორიების 20% არის ოკუპირებული რუსეთის მიერ, ეს არის ნომერ პირველი საფრთხე დღეს. არ არსებობს არცერთი საკითხი, რომელზეც უნდა ვისაუბროთ ვინმემ, ვისაც გვიყვარს ჩვენი სამშობოლო. მე მივმართავ ირაკლი ღარიბაშვილს და ირაკლი კობახიძეს, სად ხართ ?! რას აკეთებთ?! რატომ ხართ ჩუმად?! ერთი ჯერ კიდევ პრემიერი ხართ და მეორე ჯერ კიდევ პრორუსული პარტიის თავჯდომარე, რატომ არ გამოდიხართ და არაფერს არ ამბობთ ამ პრობლემებთან დაკავშირებით ?! ბოლო განცხადება, რაც ირაკლი კობახიძემ გააკეთა ეს იყო არგუმენტების შექმნა და მტკიცებულების გადაცემა ვლადიმერ პუტინისთვის, იმიტომ რომ მან სამხედრო აგრესიაც განახორციელოს საქართველოში. ვერაფერს ის ვერ გაბედავს! ამისი მას არც თავი აქვს, არც ერთი ადგილი აქვს. საქართველოში იქნება მშვიდობა! ამის გარანტი სხვათაშორის არიან, ჩვენი დასავლელი პარტნიორები და არა პრორუსული ,,ქართული ოცნება” , მაგრამ დღეს მე მივმართავ ორივე ირაკლის: რას აპირებთ ?! გვითხარით კონკრეტული პასუხი და თუ თქვენ არაფერს არ აპირებთ, მაშინ ჩვენ მოგვიწევს კონკრეტული ნაბიჯების გადადგმა. მე არ ვაპირებ ჩემი სამშობლო დავუთმო რუსეთის მოქალაქეებს, რომლებიც ფაქტობრივად უტანკო ანექსიის პროცეს ახორციელებენ. საქართველოს მოქალაქეებს ვეკითხები, რამდენიმე კვირაში, როდესაც ნახევარი მილიონ რუსეთის მოქალაქეს აღმოვაჩენთ ჩვენს სამშობლოში, ჩვენი ადგილი სად იქნება ?! როდემდე უნდა ვუყუროთ პროცესს, რომელიც არის ანტიეროვნული, ანტიევროპული, ანტიქართული და ჩვენი ეროვნული ინტერესების საწინააღმდეგო ?! ახლა არის მოქმედების დრო და კიდევ ერთხელ, ,,სტრატეგია აღმაშენებელის” სახელით, მივმართავ ორ ირაკლის მაინტერესებს კონკრეტულად, რას აპირებთ?! თუ იქნება თქვენი მხრიდან ისევ რუსეთისთვის სასარგებლო განცხადებები, მერე ჩვენ გადავდგამთ ნაბიჯებს”, – განაცხადა ვაშაძემ.

ლუკაშენკო რასაც აკეთებს, რუსული პოლიტიკის გაგრძელებაა – ხელისუფლებას ვაფრთხილებდით, რომ კუდის ქიცინით, ენის მოჩლექით და თავზე ვაზელინის წასმით რუსეთთან ვერანაირ უპირატესობას ვერ მივაღწევდით, – ამის შესახებ “სტრატეგია აღმაშენებლის” დეპუტატმა პაატა მანჯგალაძემ გამაცხადა, რითაც ოკუპირებულ აფხაზეთში ბელარუსის პრეზიდენტის ჩასვლას გამოეხმაურა.

მანჯგალაძე მიიჩნევს, რომ “ქართული ოცნება” ირჩევს პოლიტიკას, რომელიც ქვეყანას ევროკავშირს აშორებს და დაუცველს ტოვებს ოკუპანტთან.

“ლუკაშენკო არის პუტინის ლაქია, მისი ჯამბაზი და რასაც ის აკეთებს, ეს არის რუსული პოლიტიკის გაგრძელება საქართველოსთან დაკავშირებით. ჩვენ ვაფრთხილებდით საქართველოს ხელისუფლებას, რომ კუდის ქიცინით, ენის მოჩლექით და თავზე ვაზელინის წასმით რუსეთთან ვერანაირ უპირატესობას ვერ მივაღწევდით საქართველოს ინტერესებისთვის, ვერ განვახორციელებდით სტრატეგიულ ამოცანებს. ერთიანი საქართველოს იდეა შეიძლება მიიღწეს ევროპელ პარტნიორებთან, ამერიკელ სტრატეგიულ პარტნიორებთან მჭიდრო კოორდინაციით და არა ყოველ დღე ევროპის და ამერიკის თავდამსხმელი განცხადებებით. სად არის დღეს ის ოთხეული?! ვინმემ ნახა განცხადება, სადაც ლუკაშენკოს ამ ვიზიტს გმობენ? რატომ არ გააკეთეს გუშინვე ამაზე განცხადება. შვეიცარიის სასამართლო და მათი დემოკრატია რომ არ მოსწონდათ, ლუკაშენკოს დემოკრატია მოსწონთ?! რატომ არ ითხოვენ ბელარუსის ელჩთან შეხვედრას, იქნებ ბელარუსი გვაძალებს ომს?! ამ ოთხეულის, ივანიშვილის მარცხენა ხელი რომ არის, განცხადება ნახეთ ამაზე?!”- განაცხადა მანჯგალაძემ.