გიორგი ვაშაძე – ევროპარლამენტარებთან ვმსჯელობთ, როგორ არ დაისაჯოს საქართველო და ქართველი ხალხი და რა ვუყოთ ხელისუფლებას – ვთანხმდებით, რომ ოპოზიცია უნდა იყოს ერთიანი

ოთხი ოპოზიციური პარტიის – „სტრატეგია აღმაშენებლის“, „ნაციონალური მოძრაობის“ „დროას“, „გირჩი – მეტი თავისუფლების“ წარმომადგენლებმა სტრასბურგში, საქართველოს ევროინტეგრაციის საკითხთან დაკავშირებით, სხვადასხვა პოლიტიკური ჯგუფის წარმომადგენლებთან შეხვედრა გამართეს.

როგორც შეხვედრის შემდეგ ლიდერები აცხადებენ, ქართველი ხალხის ევროპულ მისწრაფებას ევროპარლამენტარების დიდი მხარდაჭერა აქვს, თუმცა ხელისუფლება საქართველოს მოქალაქეების ნებას არ გამოხატავს.

„სტრატეგია აღმაშენებლის“ ლიდერის, გიორგი ვაშაძის განცხადებით, ამოცანა არის საქართველომ ევროკავშირის კანდიდატის სტატუსი მიიღოს და ამისთვის ოპოზიცია მზად არის ნებისმიერი პასუხისმგებლობა აიღოს.

“დილემა ასეთია – ხელისუფლება რუსეთისკენ მიმართული, ხალხი – ევროპისკენ. როგორ არ დაისაჯოს საქართველო და ხალხი და რა ვუყოთ ხელისუფლებას – ეს არის ის შინაარსი, რაზეც ვმსჯელობთ და აქ ჩვენ შევთანხმდით, რომ ჩვენ, ოპოზიციამ უნდა შევინარჩუნოთ ერთიანობა და საერთო წნეხი, რომელიც ჩვენ შევქმენით ახალგაზრდების, სამოქალაქო სექტორის, ჟურნალისტების მონაწილეობით, რამაც შეიძლება საბოლოო გამარჯვება მოიტანოს, რომელსაც ასე ელოდებიან ჩვენი ევროპელი პარტნიორები,“ – განაცხადა ვაშაძემ.

Add a Comment

Your email address will not be published. Required fields are marked *